Ovttas elrávdnjelaš Davvi-Norgga ovdii
Arva galgá oalgguhit beaktilis energiijageavaheapmái ja sihkkarastit stáđis elrávdnjeváráiduhttima otná ja ihttá beaivái. Mii leat riikaoasi stuorámus el-fierpmádatfitnodat ja min kundarat leat badjel njealjádasoassi Davvi-Norgga ássiin. Ovttas galgat válget oktasaš elrávdnjelaš boahttevuođa.
Arva lea davvisámegiel sátni ja mearkkaša fápmu, dáhttu, álša ja energiija.
Arvvas lea ovddasvástádus Davvi-Norgga stuorámus el-fierpmádatguvlui. Min elrávdnjefierpmádat ollá badjelaš 15 000 kilomehtera – eatnama badjel, mearas ja áimmus. Elrávdnjefierpmádat gozihuvvo 24/7 juohke beaivvi jagis ja beroškeahttá dálkkis, stoarpmas dahje goalkin. Mii leat álohii gergosat sihkkarastit ahte juohkehaččas min kundariin lea elrávdnji ja doapmalat seammás geahččat jus elrávdnjeváráiduhttin boatkaneš.
Min elrávdnjefierpmádat lea jođus 99,98 proseantta, mii mearkkaša ahte min kundariin eatnašat vánit vásihit elrávdnjeváráiduhttimis boatkkaga.
Boahttevuohta lea elrávdnjelaš, ja Arvvas lea guovddáš sajádat servodaga elektrifiseremis. Eanet go 200 virggehasaiguin leat bures ráhkkanan boahttevuhtii, jámma ovdáneapmái ja norgalaččaid árgabeaivvi elektrifiseremii.
Min višuvdna
Ovttas elrávdnjelaš Davvi-Norgga ovdii.
Min servodatdoaibma
Arva galgá ovdánahttit ja doaimmahit stáđis ja sihkkaris elrávdnjeváráiduhttima Davvi-Norgga servodaga ovdáneapmái. Galgat joatkit sin árbbiin geat elrávdnjefierpmádaga huksejedje, ja ovttas min kundariiguin ja ovttasbargoguimmiiguin válget elrávdnjelaš boahttevuođa. Arvvas mii oalgguhat beaktilis energiijageavaheapmái, ja ovddasvástidat ahte ceavzilis elrávdnjeváráiduhttima máhtolašvuohta ovdánahttojuvvo ja oahpahuvvo boahtte bulvii.
Eirin Kjølstad, hálddašeaddji direktevra
Arvva historjá – mo bođiimet áigái
2020 cuoŋománu almmuhedje Troms Kraft ja Bodø Energi fápmokonseartnat ovttaoaivilvuođa álggahit ovttastuhttinšiehtadallamiid sudno el-fierpmádatfitnodagain Troms Kraft Nett ja Nordlandsnett.
Guktot el-fierpmádatfitnodaga leigga juo riikaoasi stuorámusaid gaskkas, ja maŋŋil ovttastahttima riikka guđát stuorámus el-fierpmádatfitnodat. Golggotmánu 15. b. 2020, dollojuvvui guktui el-fierpmádatfitnodagain váldočoahkkin, gos ovttastahttin mearriduvvui, juovlamánu 15. b. 2020 fápmui boahtimiin.
Troms Kraft lea dan ođđa fitnodaga stuorámus oasi oasusdoalli, ja Bodø Energiijas šaddá fitnodagas nu gohčoduvvon negatiivva geahčču. Lassin lea Dragefossenis uhcibuš oasusoasáš. Fitnodat gullá ovttastahttima maŋŋil Troms Kraft-konserdnii. Váldokantuvra lea Budejjus.
Vaikke leatge sturron, de galgat ain leat seamma báikkálaččat. Arva doalaha váldokantuvrra Budejjus, báikkálaš kantuvrraiguin Tonnes rájes máddin, Romssas ja Ivgumuotkki rádjai davvin.
Leat fuolahan sihkkaris elrávdneváráiduhttima Nordlánddas ja Romssas eanet go 100 jagi. Dainna áigut joatkit.
Nordlandsnett ja Troms Kraft Nett historjá lea maiddái historjá ahte mo mii riikaoasi huksiimet. Buorredilálašvuohta ja ovdáneapmi doapmalahtii dađistaga go gávpogiin ja boaittobealbáikkiin fidnejedje elrávnnji. Vuoruhemiid báikkálaš oamasteapmi áimmahuššojuvvui gieldda ja fylkkagieldda eaiggádiid bokte. Justa nugo dálge lea. Ovttas čuožžut fápmoovdavázziid olggiid alde, ja ovttas hukset oktasaš guoddinnávccalaš boahttevuođa.