Ovttas mii doaimmahit Davvi-Norgga dievas-elektrihkalažžan.

Troms Kraft Nett ja Nordlandsnett leat ovttastahtton Arva namas. Vuos ain gávnnat iežat kunddardieđuid min boares neahttasiidduin.

Troms Kraft NettNordlandsnett

Fámolaš ovttasbargu

Troms Kraft Nett ja Nordlandsnett leat ovttastahtton Arva namas. Mii leat badjel 100 jagi fuolahan sihkkaris elrávdnjefievrredeami Nordlánddas ja Romssas.

Dainna áigut mii joatkit. Ja vaikko leat ge sturron, de áigut ain leat seamma báikkálaččat go ovdal. Arva doaimmas šaddá váldokantuvra Bådåddjos, ja báikkálaš kantuvrrat leat Tonnes nammasaš báikkis Nordlánddas, ja dasto Romssa gávpogis ja Ivgumuotkkis. Arva doaimmas leat lagabui 220 mielbargi ja badjel 120 000 fierpmádatkundara.

Nordlandsnett ja Troms Kraft Nett historjá lea maid historjá dan birra movt mii bajáshuksiimet dán riikkaoasi. Servodat ja buresbirgejupmi ovdánii hirbmat jođánit dan rájes go elrávdnji bođii áigái. Báikkálaš eaiggáduššama ja vuoruhemiid fuolahedje suohkanlaš ja fylkkagielddalaš eaiggádat. Juste seamma ládje lea ain odne. Ovttas čuččodit mii dál el-fápmoovddasmanniid nanu vuođu alde, ja ovttas mii hukset midjiide buohkaide ceavzilis ja guoddevaš boahtteáiggi.

Sátni Arva lea davvisámegielsátni ja mearkkaša fápmu, dáhttu, álša, energiija.

Ođđa fitnodat

Cuoŋománus 2020 almmuheigga Troms Kraft ja Bodø Energi ahte leat soahpan álggahit iežaset el-fierpmádatfitnodagaid Troms Kraft Nett ja Nordlandsnett oktiičaskima šiehtadallamiid.

Goappašagat ledje juo ovdalaččas riikaoasi stuorámusat, ja maŋŋel oktiičaskima šattai dat riikka guđádin stuorámus el-neahttafierpmádat. Golggotmánu 15. beaivvi 2021 dolle goappaš fitnodagat generálačoahkkima, gos mearriduvvui oktiičaskin, ja álggaheapmi ođđajagemánu 1. beaivvi 2021.

Troms Kraft ođđa fitnodaga majoritehtaoasuseaiggát, ja Bodø Energiijas šaddá negatiiva kontrolla fitnodagas. Dasa lassin oažžu Dragefossen smávit oasusmeari. Maŋŋel oktiičaskima lea ođđa fitnodat searvan Troms Kraft-konsernii. Ođđa fitnodaga váldokantuvra lea Bådåddjos.

Jođihanjoavku ja stivra

Eirin Kjølstad

Hálddašeaddji direktevra

June Skoglund

Ekonomiijahoavda

Semming Semmingsen

Stivrajođiheaddji

Gulahallandieđut

Iežat siiddu, gulahallandieđuid ja mediagulahallanolbmuid gávnnat juogo Troms Kraft Nett dahje Nordlandsnett ruovttusiidduin.

Vástádusaid gažaldagaide Arva fitnodahkii dahje dan birra oaččut dáppe:

Arva Norlánda Arva Romsa